Venciù sauri

La prima scuadra dl Gherdeina Rabanser Buandes a jugà n Venerdi te Selva contra l Am Alping, na scuadra dla val de Puster. Chesta scuadra che fova plutosc dancà te tlassifica ie rueda te Gherdeina bendebo segura de pudei vencer dejmincian che n daussa mei fe i conc senza l’ost. Scumencian cun Werner y Flavio ie l Gherdeina jit debota n vantaggio de 26 chiedli che ie stai juntei de 35 da Guido y Konrad. Sen l’ova la scuadra aversera bendebo dura contra Georg y Engl y enghe sce un de i doi ie stat bon de fe l mieur resultat dl di cun 685 chiedli ne ti a chesc nia purtà l resultat che i speroa. L juech ie finà via per 6 a 2 cun 3131 chiedli y la mesaria de 521,8 per l Gherdeina contra i 3092 y la mesaria de 515,3 dl Am Alping.

I resultac:

Engl Colcuc                        558

Werner Runggaldier        524

Guido Stuffer                    522

Flavio Prinoth                   518

Konrad Malsiner               508

Georg Sommavilla           501