NEWS - KEGELCLUB GRÖDEN
 
 
5. de Ritorno 2018

La ne a nia ulu vester

L juech de n Venerdi 23/02/18 dla prima scuadra dl Gherdeina Rabanser Buandes contra l Bruneck ie stat bendebo valif per tramedoi scuadres. Te l prim set contra Flavio y Georg ie l Bruneck pia danora cun 33 chiedli  vencian i doi ponc. Tl segondo set ie po Guido y Engl stai boni de tre ite ino i chiedli vencian enghe i doi set. Sen fova ino la doi scuadres valives y cun Konrad y Werner ie l juech jit inant bendebo valif nchin ala fin can che a un dl Bruneck ti iela jita fata de fe n valgun nueves ndolauter che a purta i averseres ala venta. Fina via iela per 6 a 2 cun 3111 chiedli y la mesaria de 518,5 per l Gherdeina contra i 3162 y la mesaria de 527 dl Bruneck.

I resultac:

Guido Stuffer                    548

Engl Colcuc                        534

Flavio Prinoth                   527

Georg Sommavilla           503

Werner Runggaldier        503

Konrad Malsiner               496

 

Enghe la segonda scuadra dl Gherdeina che a jugà a Tluses contra la Hölzerne 9 a messu ti lascè i doi ponc ai averseres. Tlo fova la defrenzia de resultac mpo bendebo plu tlera a vantaje dla Hölzerne 9 che a sapu da se nuze dl “Heimvorteil”. Sibe per la prima scuadra che per la segonda ie la chidladoia de Tluses n luech ulache n a for stentä a fe de biei resultac. L juech ie finä via per 7 a 1 cun 2806 chiedli y la mesaria de 467,7 per l Gherdeina contra i 3006 y la mesaria de 501 dla Hölzerne 9

I resultac:

Thomas Demetz               500

Stefan Gatterer                487

Miguel Moroder               466

Runggaldier Oskar            459

Felix Insam                        457

Martin Lechner                 437

< ZURÜCK
 
 
Mitglieder
Meisterschaft
Fotogallerie
News
Partner
Kontakt