La prima se manten al prim post

Tla serie “B” celela ora dret ben per la prima scuadra dl Gherdëina Rabanser Buandes che cun 12 ponc do 7 juësc ie danora te tlassifica. N Venerdi ai 03/11/17 ie sta jugà te Selva contra l Latzfons che bele dal prim set contra Flavio y Werner a messù lascè i doi ponc. Tl segondo set contra Guido y Konrad iela jita ora 1 a 1 ma l Gherdëina fova bele danora de 92 chiedli. Ala fin a mo Georg y Engl venciù i doi ponc finan via l juëch cun na bela venta. Cun 3126 chiedli  y la mesaria de 521 dl Gherdëina contra i 3011 y la mesaria de 501,8 dl Latzfons ie nsci finà l juech per 7 a 1.

I resultac:

Werner Runggaldier        553

Georg Sommavilla           533

Flavio Prinoth                   516

Guido Stuffer                    515

Engl Colcuc                        507

Konrad Malsiner               502

Y enghe chest’ena ne ti iela nia jita fata ala segonda scuadra a se tre ca n pont dla partida. N Sada ai 04/11/17 ie sta jugà a St. Georgen contra l Bruneck y chesta scuadra se a dejmustrà plu sterscia dl Gherdëina. Scumencià a l Gherdëina cun en 1 a 1 perdan me 21 chiedli ma purtruep iela daldo jita inant plutosc melamenter. L’ultimo set ie mo finà via cun en 1 a 1 ma chisc unici doi ponc ne a danz no bastà y nsci ie l juëch finà via melamenter per l Gherdëina che batù ju 2732 chiedli y la mesaria de 455,3 contra i 2927 y la mesaria de 487,8 dl Bruneck. a

I resultac:

Viktor Werdaner              492

Hansi Demetz                    486

Ewald Insam                     467

Stefan Gatterer                453

Martin Lechner                 420

Miguel Moroder               414