Y enghe l segondo juech dl campionat 2017/18 ie jit a vantaje dl Gherdeina Rabanser Buandes. N Sada ai 30/09 ie la scuadra jita ora de cesa a jughè contra l Ahrntal vencian chesc juech per 6 a 2. Chesc juech ie stat bendebo da ste sun odles davia che deguna dla doi scuadres ne fova bona de se tre ite n gran vantaje sun l’autra. Scumencian cun Stefan y Konrad ie l prim set finà via per 1 a 1 y l Ghedeina fova danora ma danz me de 12 chiedli. Enghe l segondo set cun Guido y Werner ie finà via 1 a 1 y tlo ie po stat l’averser che ie ji danora de 10 chiedli. Ala fin ti a Georg y Engl mustrà al averser da ce pert che tira l vent jan danora bele do i prim 30 colp de 54 chiedli ruan po ala fin dl juech vencian tramedoi. Cun l resultat de 3124 y la mesaria de 520.7 per l Gherdeina contra i 3076 y la mesaria de 512.7 dl Ahrntal a l Gherdeina venciu per 6 a 2.

I resultac:

Guido Stuffer                    533

Georg Sommavilla           532

Engl Colcuc                        529

Konrad Malsiner               516

Werner Runggaldier        514

Stefan Gatterer                500

La segonda scuadra ie jita n Mierculdi ai 27/09 a Ciastel a jughè contra l Hauenstein vencian chesc juech per 5 a 3. Pian via cun la venta de Stefan y Hansi tl prim set y jan danora de 111 chiedli iesun passei al segondo set cun Michael y Sigi. Tlo ti a Michael lascià 34 chiedli a si averser ma la bona prestazion de Sigi cun 550 chiedli che foa l mieur resultat dl di an aumentà l vantaje a 153 chiedli. Ala fin cun Felix y Viktor ie l’averser mo stat bon de se tre ite 43 chiedli ma chei ne ti a  nia bastà per mude si situazion. Nsci ie finà via chesc juech cun 2968 chiedli y la mesaria de 494.7 per l Gherdeina contra i 2858 y la mesaria de 476.3 dl Hauenstein.

I resultac:

Sigi Prinoth                        550

Hansi Demetz                   499

Stefan Gatterer                494

Viktor Werdaner              493

Felix Insam                        487

Miguel Moroder               445